Persónuverndarstefna

Hér kemur fram hvaða upplýsingum KjarnaFit safnar, til hvers þær eru notaðar, hver sér þær og hvaða réttindi þú hefur. Við söfnum aðeins því sem þarf til að appið virki og seljum aldrei upplýsingar um þig.

Hver ber ábyrgð

Ábyrgðaraðili vinnslunnar er Davíð Freyr Karlsson („við“).

Spurningar og beiðnir um persónuvernd sendast á info@kjarnafit.is.

Upplýsingar sem við vinnum með

• Aðgangur: nafn, netfang, lykilorð (geymt dulkóðað, við sjáum það aldrei) og hvort þú ert notandi eða þjálfari.
• Æfingar: prógrömm, æfingar, sett, endurtekningar, þyngdir og tímalengd.
• Markmið og upplýsingar til að reikna hitaeiningar og skammta: kyn, hæð, aldur og fjöldi æfingadaga.
• Heilsutengdar upplýsingar sem þú skráir sjálf/ur: líkamsþyngd, matseðill og hvaða máltíðir þú merkir sem borðaðar, svör í vikulegu check-in (t.d. orka, svefn og meiðsli) og myndir sem þú velur að senda þjálfaranum.
• Venjur dagsins sem þú skráir ef þú vilt: vatn, koffín, áfengi, svefn og líðan. Aðeins þú sérð þær, þjálfarinn sér þær ekki.
• Áskrift: hvort þú ert í prufu eða með virka áskrift, hvaða plan og hvenær hún endurnýjast. Greiðslan sjálf fer fram hjá Apple. Við sjáum aldrei kortanúmer eða greiðsluupplýsingar.
• Stöðumyndir sem þú tekur sjálf/ur í appinu: geymdar í lokaðri geymslu. Aðeins þú sérð þær, og þjálfarinn þinn aðeins þær vikur sem þú velur að deila. Þú getur eytt þeim hvenær sem er.
• Dagatal: vaktir og viðburðir sem þú setur inn svo hægt sé að raða æfingum.
• Stig og streak, sem eru reiknuð út frá ofangreindu, og gælunafn ef þú tekur þátt í stigatöflu.
• Apple Health / Health Connect, ef þú tengir það: KjarnaFit les skrefafjölda og brenndar hitaeiningar og skráir æfingarnar þínar þangað. Ef þú kveikir sérstaklega á „Æfingar úr öðrum öppum“ eru æfingar sem önnur öpp (t.d. Strava eða Garmin) skráðu þar afritaðar á KjarnaFit-aðganginn þinn: tegund, tími, lengd og vegalengd. Þær sér þjálfarinn þinn eins og aðrar æfingar. Annað úr heilsuappinu fer ekki af símanum. Þessi gögn eru eingöngu sýnd í símanum þínum. Þau eru ekki send á netþjóna okkar, ekki sýnd þjálfara eða öðrum, aldrei notuð í auglýsingar og aldrei deilt með öðrum. Þú getur aftengt hvenær sem er undir Ég eða í stillingum símans.
• Áminningar um æfingar eru tímasettar í símanum sjálfum og fara ekki um netþjóna okkar.
• Tæknilegar upplýsingar: innskráning er geymd í tækinu þínu svo þú haldist innskráð/ur. Við notum hvorki auglýsingakökur né rakningu.

Til hvers upplýsingarnar eru notaðar

• Til að veita þjónustuna: vista æfingar, matseðla, þyngd og dagatal og sýna þér framvindu.
• Svo þjálfarinn þinn geti fylgst með og leiðbeint þér.
• Til að reikna stig, streak og framvindu í áskorunum.
• Til að senda þér tölvupóst sem varðar aðganginn, t.d. staðfestingu á netfangi og nýtt lykilorð.

Heimild til vinnslunnar

Aðgangur og grunnvirkni byggja á samningi við þig, þ.e. skilmálunum (b-liður 1. mgr. 6. gr. persónuverndarreglugerðarinnar).

Heilsutengdar upplýsingar, svo sem þyngd, mataræði, check-in og myndir, eru viðkvæmar persónuupplýsingar. Þær vinnum við á grundvelli skýrs samþykkis þíns sem þú gefur við nýskráningu (a-liður 2. mgr. 9. gr.). Þú getur dregið samþykkið til baka hvenær sem er með því að hætta að skrá slíkar upplýsingar, eyða þeim eða eyða aðganginum.

Þátttaka í stigatöflu og hópum byggir á samþykki sem þú gefur og dregur til baka sjálf/ur.

Hver sér upplýsingarnar

• Þú.
• Þjálfarinn sem þú skráir þig hjá með kóða sér æfingar, þyngd, matseðil og hvað þú merkir sem borðað, check-in, myndir og hvaða prógrammi þú fylgir, en ekki venjur dagsins. Þjálfarinn getur lesið en ekki breytt gögnunum þínum. Ef þú hættir hjá þjálfara missir hann aðganginn strax.
• Aðrir kúnnar sama þjálfara sjá aðeins gælunafn eða fornafn, stig og streak, og aðeins ef þú kveikir á þátttöku í stigatöflu.
• Þeir sem eru í hópi með þér (hópar sem notendur búa til sjálfir og ganga í með kóða) sjá gælunafn eða fornafn, stig og streak, ekkert annað. Þú getur farið úr hópi hvenær sem er.
• Vinnsluaðilar sem hýsa þjónustuna fyrir okkur: Supabase Inc. (gagnagrunnur, innskráning, myndageymsla og tölvupóstur), hýst á Írlandi (innan EES), og Expo (650 Industries, Inc.), sem hýsir vefútgáfuna en geymir engar persónuupplýsingar, og RevenueCat, Inc. (Bandaríkjunum), sem heldur utan um áskriftir úr App Store og fær aðeins notandanúmer og upplýsingar um kaupin. Ef upplýsingar fara út fyrir EES er byggt á stöðluðum samningsskilmálum Evrópusambandsins.

Við seljum aldrei upplýsingar og notum þær ekki í auglýsingar.

Hve lengi upplýsingar eru geymdar

Upplýsingarnar eru geymdar á meðan aðgangurinn þinn er virkur. Þegar þú eyðir aðganginum er öllum gögnum og myndum eytt strax. Afrit sem hýsingaraðilinn tekur eyðast sjálfkrafa innan 30 daga.

Öryggi

Öll samskipti eru dulkóðuð (HTTPS). Aðgangsstýring í gagnagrunninum sér til þess að hver og einn sér aðeins sín gögn og þjálfari aðeins gögn sinna kúnna. Myndir eru í lokaðri geymslu og birtast aðeins í gegnum tímabundna hlekki.

Réttindi þín

Þú átt rétt á að fá aðgang að upplýsingunum þínum, fá þær leiðréttar, fá þeim eytt, fá þær afhentar á tölvutæku formi og að andmæla vinnslu. Þú getur eytt aðganginum sjálf/ur í appinu undir Ég → Eyða aðgangi.

Aðrar beiðnir sendirðu á info@kjarnafit.is og við svörum innan mánaðar.

Ef þú telur að ekki sé rétt farið með upplýsingarnar þínar geturðu kvartað til Persónuverndar (personuvernd.is).

Aldur

Appið er ætlað 16 ára og eldri. Við biðjum ekki um upplýsingar frá yngri börnum. Ef við komumst að því að yngri en 16 ára hafi búið til aðgang eyðum við honum.

Breytingar

Ef við breytum stefnunni látum við vita í appinu áður en breytingarnar taka gildi.